Ambulante Pleeg

Dat eegen Tohuus kann keeneen un nixnich ersetten. Tohuus föhlt een sik wohl. De ASB Hilmessen hett veele ambulante Pleegsanbotten un ünnerstütt Minschen, dat se in ehr eegen Wahnung blieven könnt.

De Helpers un Therapeuten sünd good utbild un pleegt de Minschen in ehr vertruute Ümgegend. Mit us blievt Se tohuus.

Besöksdeenst mit Hunnen

Use Samariter op veer Poten!

Use Smuser un Animateure op veer Poten tövert de Lüüd een Lachen in´t Gesicht un schenkt se Leevsqualität und Freud. De Besökshunneteams  besöökt ünnerscheedliche Inrichtungen in de Region Hildesheim. De Hunnen hebbt een fründlichen Charakter und sorgt för een kommodige Stimmung. Se sünd best utbild un op ehr Opgaav vörbereit.

Eerst Hölp

Dat is een good Geföhl, wenn Se in Notfall praat sünd un lehrt hebbt, wo man Leven retten kann. Bi`n ASB lehrt Se de Grundlagen vun Eerst Hölp oder Se könnt Ehr Weten opfrischen.

Use Anbotten för Eerst Hölp:
• Eerst-Hölp-Grundkurs (EHG)
• Eerst-Hölp-Fortbildung (EHF)
• Bedriefshölper-Kurs (BHK)
• Eerst Hölp an dat Kind (EHK)

• Eerst Hölp för Kinners (EhfK)
• Eerst Hölp an`n HundSchölers

Schölers, Studenten, Rentners un Deelnehmers mit een Schwerbehinnerten-Utwies mööt nich den vullen Pries betalen.

Fohrdeenst

Mit den ASB-Fohrdeenst sünd se jümmers mobil bi de Fohrt to´n Dokter oder to de Reha-Klinik oder ok mehr. Mobil to ween is de Vörutsetzung, dat een aktiv an´t soziale un kulturelle Leven deelnehmen kann. Besünners wichtig is dat för Senioren und Minschen mit een Behinnerung.

De ASB-Fohrdeenst Hildesheim/Hameln-Pyrmont makt individuelle Fohrten för Gruppen oder för een alleen, wiet weg oder nah bi, Dag un Nacht, ok för Rollstohlfohrers.

Wi sünd 365 Daag in Johr för Se dor.

Hölp in Huushold

„Wi hölp Se in Huushold“
Wenn een een Huusholdshölp bruukt, denn kann dat ünnerschedliche Grünnen hebben: Pleeg, dat Öller, Krankheit, Unfall un annere Situatschonen.

Egaal, of Se een Pleeg-Grad hebbt oder nich, wi beraden Se geern to dat Thema Hölp in Huushold un hölp Se ok, een Andrag op Kostenövernahm to stellen.

Hausnotruf

Se mööt blots op´n Knopp drücken, denn kaamt Hölp. Den Apparat dörto könnt Se üm`n Hals drägen. He hett een eegen Sender. Se könnt denn furts mit us schnacken. Denn kümmert wi us glieks um Hölp, to´n Bispill dör een Verwandten, de Pleegsdeenst, een Dokter, de Rettungsdeenst oder de Polizei.

Wi beraden Se geern över Möglichkeiten, Priesen, Övernahme vun de Kosten.

Vertruuen is good – Knopp is beter.

Katastrophenschutz

Hier find sik veele ünnerscheedliche Organistschonen tosamen, dormit se de Lüüd in groote Notsituatschonen fix hölpen könnt. Een Grootdeel vun de Hölpers makt dat allens ehrenamtlich. Se bild sik in ehr Frietied ut.

Hebbt Se Interesse? Denn kaamt Se in use Team.

Assistenz för School un Kinnergorn

„Wi hölp Ehr Kind, dat dat sik sülvst hölpen kann“

Wi ünnerstütt Ehr Kind dor, wo Se us bruukt. Mit use Hölp kann Ehr Kind aktiv an Ünnericht deelnehmen un sik in de Gemeenschapp integrieren.

Wi sorgt daför, dat ALL Minschen an use Welt deelhebben könnt. Wi ünnerstütt Kinners un junge Lüüd, de Probleme hebbt , körperlich, geistig of seelisch, dat se ehren Alldag in School un Kinnergoorn meestern könnt.

Use Mitarbeiders sünd pädagogisch utbild. Wi hölp Se ok gern bi de Andrääg bi dat Sozial- un Jugendamt.

Wi staht an ehr Siet.

Pleeg dagsöver

Dagsöver mit annere Lüüd tohope, an Avend wedder tohuus!

Minschen, de op Hölp anwiest sünd, hebbt so de Möglichkeit, dat se länger in ehr Tohuus blieven könnt. De „ Pleeg dagsöver“ kann de Arbeit vun de Angehörigen oder de Pleegdeenste ünnerstütten. För us is dat besünners wichtig, dat dat use Gäste good geiht un dat se sik wohl föhlt. De ASB-Fohrdeenst sorgt dorför, dat de Minschen to de Dagspleeg hinkaamt.

Kaamt un kiekt Se sülben!

Wahnen mit Service

Wi hebbt ünnerscheedliche Konzepte för „Wahnen mit Service“ un makt dat speziell för Senioren möglich, dat se in`t Öller sülvstbestimmt leeven könnt. De ASB hölpt bi Alldagsfragen un vermiddelt Ünnerstützung. Wi berad Se geern persönlich un wiesen Se use Inrichten in Bad Salzdetfurth, Elze un Hildesheim.

Sülvstbestimmt leeven in´t Öller – bi us find Se dat passende Konzept!